21 лютага, у Міжнародны дзень роднай мовы, была праведзена гульня "Пяць падказак" паміж дзвюма камандамі вучняў X класаў. Мэта мерапрыемства - праверыць узровень ведаў дзесяцікласнікаў і павысіць іх цікавасць да беларускай літаратуры. Кожны тур быў па - свойму складаным. Лепш за ўсё дзесяцікласнікі справіліся ў двух турах: "Імёны і прозвішчы пісьменнікаў" і "Жанры літаратуры". Менш правільных адказаў далі ў туры "Назвы твораў". Матэрыял гульні складаўся з твораў, якія вывучалі ў IX - X класах. Мерапрыемства прайшло цікава і займальна. Кожны для сябе зрабіў пэўныя высновы: якія творы і якіх аўтараў ведаю дасканала, а які матэрыял па беларускай літаратуры цяжка аднавіць? Перамогу атрымала каманда "Купалаўцы". Віншуем!!!